سنین آدین

سنین آدین حایات دیر بالام

سنین آدین بولاق دیر

سنین آدین تورپاق

سن گؤزلریمین گیله سی سن

" سن آغلاسان من آغلارام"

سن

و سن دونیادا آزادلیق سان

آزادلیق دا بیر دوست

دوستلوقدا ایکی کلمه سؤز

بیر ساز چالیر اورمو آشیق لاری مین بیر گئجه دیر

جمیله نی قاچیردیر دومانلیقدا آییتماتوو

آووندورورام قارا ساچلاریندا فانتاللاشان مفکوره لری

گلیرسن اگلنیرسن

گئدیرسن اگلنیرسن

سنین آدین باهاردیر بالام

گولورسن اگلنیرسن

سن گؤزلریمین گیله سی سن

سن آغریسان من آغریرام

سنین آدین سوفره دیر بالام

سنین آدین باغچا دیر

سنین آدین آی دیر

سن

سنه باخیر چیلدیریر دلی لر

چیلدیریردا گولدورور دلی لر

گولدوروب بال قاتیر داماق لاریمیزا

الیمی توتسان حالواچی یام شکرم

دوشونجه لریم عملیمه موقابیل

سن قورو دنیزلره دولوشورسان اراده ائتدییینده

قیسیرلارین دؤشلرینه سود گلیر

منی غئیب ائدیب گتیریرسن هر تاپیلیشیندا

سنین آدین درماندیر بالام

سنین آدین قابیل لیک

سنین آدین هر شئی دیر

فانتاللاشماق : فواره لنمک ، قابیل لیک ، محترم لیک

من شهر ساعات...