آخرین مطالب
امکانات وب
تفنگ آلمیشام الیمده سنی گزیرم
حیات می سان ؟ اجل می سن ؟ بیلمیرم !
بعضی ماهنیلارین خصوصی دقیقه سینده گؤرونور سسین
بعضی فیلیم لرین خیرداجا بؤلومو دو بدنین
باشیمین ایچیندن کی سس میسن ؟ نفس میسن ؟ بیلمیرم!
ایکینجی دونیا محاربه سینین اورتاسیندا اودوزور سنی هیتلر
و غرور حیسسی او دقیقه استالینین اوتاغیندا
ساواشمیسان ؟ باریشمیسان ؟ بیلمیرم !
چوخدان دی کوره ییمده بیر آغری وار
چوخدان دی باشیمین ایچینده والایلییر ساییقلیغیم
باخچالاردا قیزیل گوله اوزوم دویونلهییرم
چیخارماغا چاغیریرام الیمده کی تیکانی
آنام میسان ؟آتام میسان ؟ بیلمیرم !
ایلک آتین اهلی لشدیگی زامانی خاطیرلاییرسانمی ؟
قویونون بشره اعتمادینی
قوردون دا ایچینده کی آزادلیق حیسیندن دانیشیرام
چؤرک میسین ؟ امک می سن ؟ بیلمیرم !
تویلارین اورتاسیندا بیر نئچه اونبا بورجودورام
اوغلو سویولان آپاچی لرین چادیریندا انتقام آندی یام
یانی یاس مراسیم لرین آنلامایان اوشاغام
شهوت میسن ؟ جنت میسن ؟ بیلمیرم ؟
آتوم بومبوندان قورخورام بعضی گئجه لر
بعضی یوخولاردا توکو دیدیلمیش ایت دی اؤلوم
شراب کوزه سینده قیزاراندا انتظار معمولی قیافه سی یوخدو بشرین
آغلارمیسان ؟ گولرمیسن ؟ بیلمیرم !
قوورانی گتیر بیرازدا ایتیلدک قلبیمیزی
اوتور دوز گؤزلریمین قاباغیندا بوتون قیلیقلارینلا بیر یئرده
بو امر دی
گوزلرینی ده سؤندور اللرینی ده
نفتی دولدور خیرتده گیمیزه جن یاناغین
یالانمیسان ؟ دوغروموسان ؟ بیلمیرم !
ما را در سایت من شهر ساعات دنبال میکنید
برچسب: نویسنده: بازدید: 176