آخرین مطالب
امکانات وب
تلویزیونو باغلاییرام اییی توتور بوتون فیلیم لر
ایشیق لاری سؤندورورم عالمه قارانلیق چؤکور
کؤهنه خبرلری بیر داها دینلهییرم
و کیمیا زامانی دیر
قیرمیزی پالچیغی آییریرام سندن
قانیندا کی سولاری دا آییریرام
اطرافیندان کرپیج لری سؤکدویومده ؛
موزالاق کیمی اورتایا دیغیرلادیرام سنی
کؤهنه مشق دفتریمه دؤندریرم تجربه لرینی
چوخ دقت ائیلهییرم
اوستوندن یورقانینی سووردوغومدا عاییب اولورسان
قه قه چکیب گولورم
آیلا گونشی اره وئریرم کائنات دا
کئفیم اولسون یارالدیرام
کئفیم اولسون داغیلدیرام
ووروب خاراب ائیلهییرم ساعتینین عقربه سین
ایتهلییب دره یه اؤتورورم گؤزلرینین اومودون
اججی مججی لا ترججی
واردان سیلیب یوخ ائیلدیکجه سنی
بئینیم چپیکلهییر منی
بوگوندن اعتبارا ایتلرین ده ایچینده ملک وار آخی
قوشلارین دا ایچینده ملک وار
منیم ده ایچیمده خطاسیز ملک لری قوراشدیریرام
قیام ائدیرم
آتامین هئیبهلرین داشیماغا خیرداجا هئلیکوپتر جورلهییرم
ننه مین سفره سینی دولدورماغا اود اوجاق
و اؤزومون تحصیلات ایشلریمی بیتیرمهیه جانلی روبات
تشکر ائیله ییرم
ایچیمدهکی حیاتی نظرده توتورام
چیمن لره تؤکولن یاشیللیغین قاینارلیغینی
و اؤلن لرین قبیر داشینداکی ابدیت اومودون
حقیقتین منده اولدوغونو
ما را در سایت من شهر ساعات دنبال میکنید
برچسب: نویسنده: بازدید: 179