La belle indifference

اوستالارین نظری اساس دی ایندی

یوخسوللوغو اؤلدورمهیه جدی لیک ده علی نین قیلینجی لازیم

«آخشامی داغ تؤکولنده

گونش بهی لیک ائلیینده یانی

گئجه یه حسرت» اولور حامیله لر

و گوندوز

منجه دوشمنین ان قانجیق کلهیی دی گوندوز

سلام وئرنده باشیمیزا چاخیرلار

داغ باشیندا غریب بیر آغاجین احوالی دی علیک السلام

پیشمیشلیگین تمام قابلیتی ایله دانیشیرام سنه

یانی اؤلوم له حیاتی اؤلچوشدورن عاغیلدان سوال ائیله ییرم

ایچیمه اَیلهشیر بوتون سئوگی لی لرین اداسی

لا بئللا ایندیفرانسا

چیینیمده داشیاندا سنی ، آدی عشق اولسون

انسانلار نظرین دَیبشمز بونو بیلیرم

یانی سئوگی ایکی طرفلی دئییل دیینده جدی یم

بیرجور یاندیرماق دی کؤینهییمیزی بؤیومک

اوشاقلیغدان اؤلومه دک مدرسه ده دی حیات

خصوصا دوستومون قیزی دوغولاندا 

دوشونجهنین یئنی سورپیریزی _ آیسان_

اوستالارین قاریشماسی گرک دی

باخیشینی بیراز ساغا چکسن مستقل اولورام

یوگورور دوشمنه قارشی اوره ییم

اعتماد ائدیرم

اوستالارین باخماسی گرک دی

سون دقیقه دی بو آن

اؤلوم له اویوشما حالی

یانی بئیینین آخماخلانما و غیر مکمل کمالا گئدیشی

یانی سنی یؤنهتسم ده ، یؤنلسم ده

یارغیلامیرام حیاتین بونا دَییب دَیمز لییینی

هه لرین قطعی هه علامتی دی

یوخ لارین اؤلومه برابر دی

هردن قاشلارینی اوخویانماسام 

اوستالارین جواب وئرمه سی لازیم دی

قطعیت له اولاسیلیق آراسیندا دولاناندا ، دوروشون دو کائنات

دوغروسو قاری گیجهللدن گونش دی

و یوخولارین ایچینده بعضی نم نمنه لر

چوخ مغشوش دو با بدنین

باخدیخجا سفئحلدیب اؤن گؤرولمهین نابلد

یانی قیرمیزی دی قاتیغی

گؤی دو

آغاراندا ساچلاریمیز

یاشیل دی 

تورپاق دی

(*La belle indifference * خوشا گلن آغری )

+ نوشته شده در دوشنبه ۲۹ فروردین ۱۴۰۱ ساعت 18:34 توسط ورزیغان لی  |