آلان دا یازیق دی، ساتان دا یازیق

آیاغا دوردوقجا ییخیلیرام من
اؤلویم می؟ دیری یم می؟ آی هاوار
یازیق منیم گله جه ییم
یازیق منیم
آت قویروغو چالخالایان هاوادا
ژئن لریمی قوردالاسام میلچک یوواسیندا یاتاجاغیق
بوگون _ سحر استعفامی وئرجیم
و
لامپ ایله گونشی ترسه توتورام
آدامام می؟ کسسکم می؟ آی هاوار
بئینیمین ائشیگینه کیبریت چاخمیشام
یالقیزلیق دان دا درین دی ذاتی قیریق دوست لاریمیز
«کؤلگه تایالارینی » دئییرم
قارا باسما پورسوق لاری!
قلبیمه باتری دیره سم ده طبیعته زوروم چاتمیر
قیزیم قوجالسین ایسته میرم
یئر کوره سینی تک اؤلکه تانییرام
تک بایراغیم دی سولارین رنگی
آغاجلارین یارپاغی یعنی
حیوان لارین بالاسینی دئییرم
داغلاری
و شنه بارماق باجیم اوغلو اولدوغو دونیادا
بوتون دؤولت لری لغو ائیله ییرم
سؤز قونوسو وطن اولدوقجا
« ساتان دا یازیق دی، آلان دا یازیق»
کیشی یم می؟ دیشی یم می؟ آی هاوار

من شهر ساعات...