هوسکار

یئنی دن دوغولورام هر آخشام

هر آخشام بؤیویورم

هر آخشام گؤزلریم ایشیقلانیر

بعضا ده داریخیرام

باجیم قیزی دوغولوب تبریزده - گولای -

و قاراباغدا ائرمنی ایشغالچیلارینا ساواش وار

و تئهراندا یالقیزلیق

یئنی دن یاشاییرام هر سحر

هر سحر بیر تابلو ائودیریرم عؤمرومدن

هر سحر تزه کلمه لره ائحتیاجیم وار

بیرازدا قودورقون فیکیر

بیرآز اوشاق اولماق ایسته ییرم

ساواشماق

غلبه چالیرام ائی واخ فتح اولدو ایستانبول

دویونجا سیندیریرام دابان دیرناغی

و اوخویورام

هر کلمه بیر موحاریبه دی

دونیادا

توفنگ حاضیر

فیشک سهمان

مین ایل قاباریماق ایسته ییرم ظولمه قارشی

مین ایل بایراق توتماق

مین ایل گؤیرمک

آغاجدا لئیلک یووا باغلار

و هوسیمیز وار

قمه باغلار دولاناریق تبریزده

دولاناریق آذربایجاندا

بعضا بیر کپه نه یین قانادی دی یوردوموز

بعضا قوربت ده بیر آپارتومان

سوموکلریمیز ده هوسکاردی

اینسان کیمی

یئنی دن دوغولورام

من شهر ساعات...