عیان دیر هر شئی

عاغلیمی فیرچالاییرام
یاری بئلدن ایره لی ده دی یاشیم
اؤزومو ایتیر مه مه گه چالیشیرام
سانکی قاردونا شکر سپیب یئییرم
عیان دیر هر شئی

ال امان چاغیریرام
لاپ گؤزومون قانشاریندا کاغاذلاری زنجیرله ییر قاضی چه لر
ایکی یه بؤلورم عاغلیمی
کله کله یه ووران آرابالار دیر دوشونجه لریم
ساغ قولوم یوموروق آتاندا سول قولوم اوتانیر

دقیق باخاندا
دقیق باخاندا رشوت چی دللال لار دیر عادیل چه لر
قویون نئجه قورخارسا جاناواردان
اؤیله جه قورخورام قانونچوچالاردان
گیج قالیرام
عیان دیر هر شئی

وداع مکتوبومو یازماغیما بیر شئی قالمیر
عاغلیمی آوخارلاییرام
اؤزومو آلداتماغا چالیشیرام
ساری کؤکو آمپول لایاندا دامارلاریما
عیان دیر هر شئی

«او کؤنول دور دروازه سیز قلعه دیر
آی - ی - گون دور بیر - بیریندن اعلا دیر»
آمما عاغیل
عاغیل دیر مین پارچادیر
بوتوندور
اوز قولپونو قیلینجلایان بیچاق دیر

من شهر ساعات...