هیجان

قابیرقامین آلتی یارادی
چیگینیمی دووارلارا سورتورم
یاواش - یاواش چورودورم کلمه لری
داغلار
هر بیری بیر پنجره نین پورتره سی
اومود گؤیرچین لری اوره ییمده چیرپینان مجلیس
منی دیندیرسن: اوچماغا هوسیم وار
من دیندیرسن جیددی یه ت له یاشاییرام
ایلدیریم وورور کیمی هر سحر اویانیرام
ائرکک لشیرم
دیشی لشیرم
لازیم گلسه
تیرختور قوشوب سوردورورم بئینیمین زمی لرین
باغیرساقلاریم مین ایللردن بری اوزانان تجربه
ایلیک لریم دیرناق اوجوندان دابانلاریما قدر حسساس بیر حیوان
اوزومه باخسان شفا تاپیرام
دبری ییرم
اوزومه باخسان دیز شاخسئیی یم ورزیغاندا
صادیقم
قوشلار پنجره می دیمدیکله ییر منی اویاندیرماغا
اوشاقلاشیرام
جاهیل له شیرم
لازیم گلسه چوخدان دیر اللریمین اینجه لیگین سورغولاییرام
چوخدان دیر نییه سوروشمامیشام آنامدان
چوخدان دیر قوشلارلا شریکم عینکیمین چرچیوه سینه
منی سوروشسان
پارک لاردا کوف گئدن بیر اوشاق دی خیال لاریم
منی سوروشسان
قابیرقامین آلتیندا بیر اعتراض دی سوال لاریم

من شهر ساعات...