اوچ گوندن بیر، بئش گوندن بیر

من
گله جه یی تانییا بیلمیرم
الیمده ایینه
تیکیشدیریرم زامانلاری بیربیرینه
قوللارینی چییین لرینه دویونله ییرم
دیزلرینی کؤک لرینه
جسارت ائیله میشم
تانرینین ایشینه قاریشیرام
سیلیرم بئینیندن گئچن خیانت دوشونجه سی نی
تاریخی ال له ییرم
من
گئچمیشی تانیا بیلمیرم
زنگ ائیله ییرم نسیمی ایکی جهانین فورمولون اؤرگدیر
الیمده شوشه
تسبیح لری دوزورم آخیردن اووله
قلبیمی شاققالاییرام
ان چوخ دامار سیستمیندن تعجب لنیرم
بیر دیش ده آیا ووراسیم گلیر
تصویر لری دگیشیرم
اللرین علیهینه ایشله یه جک
گؤزلرین علیهینه باخاجاق
دیلین علیهینه دانیشاجاق
من
ایندی نی تانیا بیلمیرم
قاپیمیزدان یوز مئتیر اویانا دا ایتمیشم
نه آدیمی بیلیرم، نه ده سوی آدیمی
ناغیل لار اویوشدورورام دونن کی خاطره دن
جسارت ائیله میشم
دووارلاردا سیندیریرام جیب تئلفونومو
هردن ماهنی لار اوخویا بیلیرم
اوچ گوندن بیر
بئش گوندن بیر

من شهر ساعات...