دمیر پارچاسی

من کیمم؟
یوخسول بیر اینسانین ماشینی ، دمیر پارچاسی
من نه یم؟
یورقون بیر فهله نین هئیبه سینده قورو چؤرک
هاردایام؟
سویو قوروموش آکواریوم لاردا بالقیق حافیظه سی

آخشام اوستو تاپماجا دئییرم آروادیما
آی هیلالیندان زوی گئدیرم دلی خانالاردا
سیندیرسام ائکیز تایی قیزیم اولاجاق
یاپیشدیرسام اوغلومون آدی دی ایلقار

من عاشیقام سوی منی
آنلا منی دوی منی
نسیمی تک قیرمیزی آلمایام حلب ده
سیریمسه تمه دن پیچاق گؤتور سوی منی

گیلئی لنسم دوستلاریما کوسو توتماغا حاضیر دیلر
هردن ده غزل یازیرلار تبریزده منی گؤرمه دیک لری اوچون
ماشین اولسام دره لره آخاسیم گلیر
چؤرک اولسام قوشلارا سپیله سیم گلیر
خاطیره اولسام
دوورارلارا دایانیب یاندیر گئتسین قیش گونو یورقانیمی
تؤوبه ائیله میشم چوخدان دی زوراکی لیغا
عابباس کیمی یوللار اوسته دورموشام
بیر دامجی دا آغلاسان آند ایچیرهم اؤلدوره بیله رم سنی ائی جابیر
من کیمم؟
الینده پیچاق دولاندیریب هر آندا ایته بیله جک بیر دلخک
من نه یم؟
بیر نفس آلیغیندا اؤلوب اری ین اکسیژن
هاردایام؟
گاهدان سنین یانیندا گاهدان بوردایام

من شهر ساعات...