مهندیس

یئکه لنده مهندیس اولاجاغام
خمیر قاتاجاغام اللرینه ربات لاریمین
ان گؤزل امک داشلار چؤرک خانالاردا حاصیل تؤره دیر
یاغیش یاغیب
اوتانیرام
دیزلریمه قدر کئفلی دی هوسیم

یئکه لنده مهندیس اولاجاغام
گؤی قورشاغینی دولدوراجاغام دریلرینه ربات لاریمین
یاللی گئتمک اوچون رنگلی لری چاغیراجاغام یئددی قاره دن
گؤزللیک اوشاغلیقدا تؤره نن بیر کارت پوستال
اؤله نه جک دوورارلاریمیزدا دوستاق دی کلمه لر
بدنین یئر کوره سی دیر گیله م
قایالیق لاردی قابیرقالارین
احتیمال ، حامیله سن قلبینین آلتیندا
فیشقیراق چالسام نیظاما دوزوله جک بئینین ده کی قاپی لار

یئکه لنده مهندیس اولاجاغام
بیر یاستیق یاپیشدیراجاغام باشلارینا ربات لاریمین
اضطرابی ایتیرمه گه ان یاخشی داوادی یاستیق لار و یانیندا کی سو
میلیون لار ایل دی آغاج و بالیق لار یاستیقا دایانیر هر آخشام
یئکه لنده مهندیس اولاجاغام

من شهر ساعات...