دومانلی ائو

دومان لاپ ائویمیزه گیریپ
گؤز گؤزو بئله گؤرمور
گونشی گول له ایله وورموشوق
هر آخشام قانادلاری قاناییر
بیزیم کی لر
ائی بیزیم کیلر
هر زادین اوستاسی بیزیم کی لر
ایشیق سیزلیغی دا حل ائدیر
باش سیز لیغی دا
غریبه سویوق دور یئر کوره سی
تولکو بئله گلسه یئییب سیندیره بیلر آداملاری
بیراز رئالیست اولماق لازیم دیر
ایچیمیزده بیر زاد گؤره بیلمیرم
شاعیرلریمیز چؤرک چی لریمیز کیمی دیر
مین – مین یاللی گئدیر لر ظلمت قاپیلاریندا
هردن حبشه یه کؤچمک مجبورینینده دی لر ، چوخ آز عنوان دا
طیار_ طیار قانادلی لاریمیز
من عاشیق گیلئی لی یم
یانارام گیلئی لی یم
چوخ چتین دیر بو حاللاردا
قالخام آیاغا یئری می
بیر بایدا سو اولسایدی ضیالی لاری یویوندورسایدیم
هئیبه لرینی اللرینه وئرسیدیم
سارسایدیم گونشین یاراسینی
شوفئر لری محبه سه ایته لییر موسافیرلر آخی
یئر کوره سی شاعیرلره زیندان دیر آخی
توپ وورسان داغیلمیر مالیخولیالار آخی
بیزیم کی لر
ائی بیزیم کیلر
هر زادین اوستاسی بیزیم کی لر
رؤیالاری دا حل ائدیر دویغولاری دا
غریبه درین دی درد قویولاری
سوخولجان گلسه بیله دوروب بیزی قورخوزا بیلر
بیراز ایده آلیست اولمامیز گرک
ایچیمیزده گوناه گؤرمورم
و دیندارلاریمیز
اوشاق کیمی دیلر
مین - مین یاللی گئدیر لر یالنیزلیق قاپیلاریندا
دنیزه تؤکولمک مجبورییتینده دیلر
صاف صادیق چوجوقلاریمیز

من شهر ساعات...