اضطرار

بو گئجه

سوساجاغام

بیراز سو ایچدیکدن سونرا سوساجاغام

و آهسته جه یوخولارا دالاجاغام

دنیزلردن ده درین دی یالقیزلیق

رؤیالاردان دا

ال آتسان توتا بیلمه یه جکسن منی

اؤلمک اوزه ره یم

بلکه

داش چاتلاسا اللی ایل یاشارام

و بؤیودرم حامیله آروادیمین اوغوللارینی

یا قیزلارینی

نه فرق ائدر کی

بو گئجه

هؤنکور – هؤنکور آغلایاجاغام

بیراز باغیردیقدان سونرا

و تمام

اینقیلاب اوزه ره یم

قرارلاریمی وئره جیم

بیر دوغورچولوق وفا لازیم دیر یاشاماغا

چاغیرسام بیله جک لر کؤرپه لریم

یاشاماق اوزه ره یم

بلکه فقط ائله بو آنی

نه فرق ائدر کی

من شهر ساعات...