گولومسه

گؤزلرینین گولوشو بالام
قاشلارین
خصوصا آلنیندا کی چاپیق
3 ثانیه ده صیفیردن یوزه قالخان دی هیجان
" هاوادا یاعمور قوخوسو وار"
یاواش - یاواش 18 یاشین اولور
ساری اتک نه گؤزل یاراشیر سنه
یا باشیندا کی چالما
دورنالاری چاغیر ها چاغیر دا
آغاجلار یاللی گئدیر قلبینین مئشه سینده
ائی جاوانکن قیسقانانلارین ان قاری سی
3 گوندور قیرخا یئری ییر یاشین
سؤزلرین بایراق کیمی آغیر دی
کرپیچ لری تؤکولور آرزی لارینین
آغلادینسا جیبیندن گئدن دی عؤمور
گولدونسه عسگرلری کئفلندیریر گؤزلرین
اوزونده 20 ایله یاخین دی سیلله ایزی وار
نه بتر گؤینه ییر بو آخشامین ساریسی
آرازدا بوغاسیم گلیر گونه شی
صایاح اواماسا ، گلمه سه
" تئز گلسن درد منه کیپیشه بیلمز"
اوزونده کی چیزگی لرین قوخوسو گلیر گیله
15 یاشا دؤنور گؤزلرین
اوتانیرسان
5 یاشین اولاندا غریبه بیر خیال تورباسی دی بابان
ذاتا دبری مک ده باجارمیرسان
سوسقون – سوسقون اینقیلابداسان
یاشاماق : لذت چکمه ین تلسگن بیر آت
اوموت لار: واختی گلمه یی باشلامایان اینتیظار
کلمه لر: تانری سی سن اولان بیر دفعه لیک ایشله نه جک اشیا
اوچ گوندور جسارته دامازلیق دی اللرین
هردن اؤزونو ده یومروقلادیغین یادیما توشور منی ده
حاخلی سان بالام حاخلی سان

من شهر ساعات...